عذاب الحب

بيقولوا الليل ديما بيجى بعده النهار
وايام العمر واقفه وزهقنا الانتظار
يا زمان مش عارف اشكى ولا عارف اخد قرار
بيقولوا العمر بيجرى والجنه لقيتها نار
عايش بحلم بجنه واتارى الجنه نار
وبيقولوا ترابه حنه واتارى رماده نار
بندور فى اليالى وعايشن احلى كلام
والحب ما بينا غربه وسنين كتير مرار
سارح والنجم سابح ولا فيش بينا قمر
والحب ما بينا غالى وحبيبى اجمل بشر
عليه احلى ابتسامه وعيونه حلوه والله
ولو قلت انى بحبه والله ما تكفينى والله
راح اقول للناس بحبه واشكى لكل النجوم
والحب اللى ما بينا همحى منه الهموم
وهعيش وياه فى دنيا ما فيهاش اى خصام
والصمت ما بينا يبقى اجمل من الكلام
انا عارف انى بدارى واكتم شوق الاحبه
اصل خايف يا قلبى تفوتنى واعيش فى غربه
انا شايف نجم اخضر واقف فوق السحاب
باصص عليك وفاكر ان مالكش احباب
شايفك سعيد وواقف فرحان بالكلام
لو عاوز تمشى امشى وبدون اى كلام
الحب فى قلبى واسع يشمل كل الوجود
اكبر من نجم اخضر وابعد من الحدود
بيقولوا الليل ديما بيجى بعده النهار
وايام العمر واقفه وزهقنا الانتظار
طيب يا نجم قرب واحكم بينى و بينه
مين اللى فى ليله يسهر والدمع بيكوى عينه
يا نجم ساهر فوق فى العلالى
روح لحبيب قلبى وقوله اشتقنا والله للغالى
قوله حبيبك هناك ساكن فى ابعد حدود
مستنى الكلمه منك قبل العمر ما يفوت