قصيدة مصر...أملنا فيكي كبير

السلام عليكم ورحمة الله وبركاته

من تلات شهور تقريبا ألفت قصيدة بامدح فيها الثورة المصرية25يناير
واليوم ألفت قصيدة بعنوان(مصر ... أملنا فيكي كبير)

مصر ... أملنا فيكي كبير

يامصر قومي اتكلمي
اصحي فوقي و دوني
أمجاد عيالك في زمن
ولى فات وادفن

أملنا فيكي كبير يا مصر
مش سايبينك حتى النصر

نيلك كفاية مايته
وشعبك كفاية خفته
وأرضك كفاية تربته
وأكلك كفاية لذته
مرفوعة طول عمرك لفوق
منصورة و نصرك دايما ندوق

وبرضو أملنا لسه كبير
ومش سايبينك ولا هنبيع

عملنا ثورة عظيمة
لما كانت فينا العزيمة
مص قومي انتي كبيرة
مش بسهولة تهوني علينا
ولادك بره متشتتين
صاحيين نايمين متقطعين
ليه يعني عيالك متغربين
أكيد اللقمة مش لاقيين

وبرضو أملنا لسه كبير
ومش هنسيبك حتى نضيع

ايه اللي بعد الثورة حصل
سرقه ونهب و قتل و شكل
شهدا ضحوا بدمهم
لجل حرية ف أرضهم
ماتوا ولا حاسوا بطعمها
ولا حتى حرية نشمها
مصر..متضيعييش دمهم
طب أهلهم..ايه ذنبهم

وبرضو أملنا لسه كبير
و مش هنسيبك للطاغيين

مصر أملنا فيكي كبير
مش سايبينك معاكي رايحين

تأليف : عبدالرحمن الصديق العرمان
المكان: السعودية - الخبر
العام : 2011

جميل يا بودى الله ايه الحلاوه دى

تسلم يا بودى على الاحساس العالى

ابن الوز عوام
هههههههههههههههههههههههههههههههههه

جميله جدا يا معلم
الله ينور

بس بلاش تغيب علينا بقصايدك كده

تسلمولي كلكم

بس كان نفسي الردود تكون أكتر من كده
لأن أنا بجد تعبت فيها
على العموم
اللي جاي أحسن

يا كبير انت

القصيده جميله جدا ومتبخلش علينا بالمزيد

عجبا لأمرك فلو قلت انك لرائع لظلمتك كثيراا قصيدتك أكثر من رائعه فاحساسك بها وصلني إلى هنا وكأنه نبع من قلبك ليصل إلى هذه الأبيات الرائعه ومن ثم إلى قلوبنا اعذرني فمهما كتبت لن أعبر عن جمال بعضا منها ......
كنت حقا رائعا في كل بيت بل كل شطر بل كل كلمه ووصلنا احساسك الرئع من كل حرف هنيئا لك ع ذاكرتك هذه وتمنياتي بالدوام والمزييد
بريئه وعيوني جريئه..

أشكركم يا أحسن أعضاء
وشكر خاص لبريئة على الكلام الحلو اللطيف اللي هزني

أوعدكم لكم مني خاطرة عن قريب
وعقبال ما الباقي يرد

تقبلوا تحيات أخوكم الصغير|| BOODY

انت عاوز مين بعد الاخت بريئه


انت بتهزر واللا ايه
بريئه لواحدها كفايه
واللا انت عندك كلام تانى يا بودى
سمعنا صوتك الحلو
ههههههههههههه

انا اضم صوتى لصوت هيما