تقدر تعمل كده مع حبيبتك

كل ماتتفقوا على ميعاد روحلها متأخر
وسيبها تتلطع وتتذنب شوية

وأول ماتوصلها متديهاش إهتمام
عشان أساسى هى هتطلع فيك
عشان اللطعة أنت لاطعهالها دى

فا حاول تتحجج بأى حاجة
كأنك بتعمل حاجة فى الموبايل
ولما تسألك بتهبب أيه ؟

قولها بستعلم بس عن الرصيد
أو أى حجة هبلة يعنى

ظبط كل مشوايرك المهمة
على اليوم اللى هتقابلها فيه عشان تدبسها
وتخليها تيجى معاك

وياسلام لو كان فيهم مشوار
من بتوع المصالح الحكومية
اللى بيطلعك وينزلك مية مرة

ويلففك المصلحة كلها حتة حتة
يبقى تمام أوى رجلها على رجلك

لما تقولك أنا جالى عريس
قولها أيه ده بجد ؟؟؟؟؟

هتقولك أيوة مستغرب كده ليه ؟؟؟

قولها هو فى حد لاقى عرسان اليومين دول
على العموم ألف مبروك ياحبيبتى

لو طلعت بتحكيلك عن عيوبه عادى
وبتقولك بقى أنا أتجوز واحد بالطريقة دى والكلام ده


قولها ياحبيبتى آمال أنتى فاكرة أحمد زويل
هييجى يتقدملك ماهو ده آخرك يعنى

لو العكس بقى وقالتلك العريس عاجب بابا وماما وعنده وعنده وبيقولولى أنتى عبيطة

قولها أنا كمان رأيى من رأيهم ,
هتقولك رأيك إن أنت كمان موافق عليه ؟

قولها لأ إن أنتى عبيطة

طبعا الغرض الأول من الحوارات دى إن
هى تحرك حضرتك عشان تروح تتقدملها

أعمل عبيط بقى ورد على قد اللى بتسمعه وبس


لو كنتوا فى نفس الجامعة
بس كل واحد فى كلية وقاعدين سوا

كل ماتشوف واحدة معاك فى الكلية
سيب حبيبتك وقوم أتكلم معاها بأى حجة

ولما ترجع قولها كنت بسألها
على حاجة مهمة عندنا فى الكلية

ولما تشوف واحدة تانية
قوم برضه أعمل نفس الحوار

ولما ترجع قولها أصل الأولى
مكنتش عارفة فا سألت دى وهكذا

لو هتدخلوا سينما
هى طبعا عايزة تشوف فيلم رومانسى
ولا حاجة

أنت بقى أمسك فى إنك تختار
فيلم كوميدى أو رعب

لو كوميدى أفضل أضحك طول الفيلم
حتى على الحتة البايخة
ونفضلها خالص ولا كأنها جنبك

اما لو دخلتوا رعب لو كنت بتحب أفلام الرعب
ركز مع الفيلم ونفضلها برضه

أما بقى لو كنت بتخاف وداخلة عند فيها
أو عشان تثبتلها إنك بطل وقلبك ميت

فا الحل الوحيد تعمل إنك رايح عليك نومة
بس لو معرفتش تنام من صوت الأكشن

فا ألبس نظارة سودة وقولها أصل الأشعة
بتتعب عينى وغمض براحتك بقى يامعلم
ونفض على الآخر


لو بتتغدوا بره وبتسألها هتاكلى أيه
وقالتلك أطلبلى زيك
وأطلبلى أى حاجة من غير شطة

وروح وصيه أنت بقى
يزود الشطة على قد مايقدر

ولما الأكل يجى قولها أنا كنت فاكرك
بتقولى أى حاجة فيها شطة

لو فى مناسبة زى عيد ميلادها
أو الفلانتين أو أى حاجة

أتصل بها والأول خدها فى الكلام
وأقعد كلمها ساعتين فى حاجات فارغة
ملهاش علاقة بالمناسبة

وفجأة قولها ثانية واحدة ياحبيبتى
هكلمك تانى فى حاجة مهمة

ومتسألش فيها باقى اليوم
وضيع عليها المناسبة

بعد كده لما تسألك السبب قولها
أصل كان فى كليب أول مرة أشوفه

أو كنت بتفرج على فيلم عاجبنى
وكنت بكلمك فى الفاصل
ولما رجع اضطريت أقفل

أو ماما كانت مجهزة الأكل
وبتنادى عليا وأنا كنت جعان أوى
ومقدرتش أستنى

أى حجة رذلة تحرق الدم وخلاص

لو جابتلك هدية وسألتك أيه رأيك فيها
قولها كانت جابتهالى واحدة صحبتى أو قريبتى
قبل كده زمان

قصدك يعنى إن الهدية قديمة
ومش مالية عينك

ونفس الحوار فى مسجات الموبايل كل ماتبعتلك حاجة قولها اتبعتتلى قبل كده

لو قالتلك مانا بشوف المسجات بتاعتك علطول قولها يبقى شوفتها فى موبايل حد أعرفه

المهم إن أنا قريتها قبل كده
حتى لو كنت أول مرة تشوفها فى حياتك

مش بعيد هى بقى تألفلك مسج وتقولها شوفتها قبل كده
وتبقى أتفقست يامعلم

عادى برضه شككها فى نفسها وسوق فى الإستهبال


وياريت الاستهبال ده
يبقى بعيد عنى

هههههههههههههه


جاااااااااااااااااااامد لكن والله اللي معندهاش دم ولا إحساس اللي تفضل معاه المده دي كلها

ههههههههههههه


اشكرك أختي قمر على الموضوع الجميل


ألا صحيح هيما اختفى فجأة فين ؟

تقبلي تحياتي || BODY

ههههههههههههههههههههههههههههه

بجد انا بحب الحوارات اللى فيها مقالب من النوع ده

اصلى بحب اعملها بس ما احب تتعمل فيا

اشكرك على هذا الموضوع الجميل
ويا ريت الكثير من هذا

اهلا وسهلا بالعضو الجديد معنا


نرحب بيك أختي في منتديات أصدقاء أون لاين بين أصدقائك وإخوانك


ونتمنى منك المشاركة الدائمة معنا وعدم الانقطاع


ولكي جزيل الشكر والعرفان


تقبلي تحياتي || BODY

شكرا لك استاذ بودى
وان شاء الله هتواجد بقدر استطاعتى معكم

لاشكر على واجب اختي

اهلا وسهلا ومراحب كتيرات بالعضوة الجديده

عطر الجنه

ونتمنى منك التواصل وعدم الانقطاع



وهيما فين ياجماعه دمه زي العسل

ولا صمت شكلها فطست ولا حاجه


ربنا يرجعهم بالسلامه

ههههههههههههههههه


حلوة فطست

هههههههههههههههههههههههه

لا يا اختي متخفيش موجوده

وبعدين انتي متاكده ان العنوان الي انت حطاه صح اتاكدي تاني من كلمة حبيبتك اكيد قصدك عدوتك

انتبهي بعد كده

ههههههههههههههههههههههههههههه

لا يا جماعه لاانقطاع ولا حاجه

الجو كان بيشتى عندنا بس وما عرفت اخرج وادينى معاكم اهوه


كل سنه وانتم طيبين جميعاً

يعني هتخرج هتروح فين

وبعدين الجو كان بيشتي هم ولا مطر بجد

تقبلوا تحياتي /خدود القمر

لا ان جيتى للحق
هى الاولى بس الحمد لله كل قضاء الله خير
وربنا يعديها معانا على خير
ويكملها بالستر

تقبلوا تحياتى جميعاً