حوار بين اتنين طرش

حوار بين أتنين طرش





كان أتنين سماعهم تقيل واقفين علي محطة الأتوبيس:



الأول: الأتوبيس ده بيروح مصر الجديدة؟


التاني:علي الحديده... ليه أنت طالب إحسان
الأول:بذرة الكتان!!لا... دي تلاقيها عند العطار
التاني:جزار!!قوللي كده..عايز تشتري لحمه





الأول:معاك حق ... الدنيا زحمه ..علشان ده ميعاد خروج الموظفين




التاني:نور الدين..لاوالله ماعرفوش




الأول:مابتشربوش!!ليه.. كفااله الشر




التاني:راس البر!!.. ده مصيف هادي




الأول:عايز تركب للمعادي..دي منطقه جميله




التاني:بليله!!أنت شكلك كده جعان





الأول:عيااان!!أي والله.أنت باين عليك عيان..طيب ماتروح للدكتور





التاني:الحنطور!!ده أحسن من الأتوبيس,وبيوصلني لحد الباب




الأول:هباب!!!وأنا إللي كنت فاكرك محترم





التاني:إتخرم!!هومين؟





الأول:عاوز أسبرين!ليه أنت عندك صداع؟





التاني:قراع!!!يانهار أبيض.ده مرض خطير





الأول:لاوالله مش عايز.وبعدين مش بحب الفطير.تقيل علي المعده وتمنه غالي





التاني:خالي..أنت تعرف خالي؟ ده راجل كبير في السن





الأول:الجن..نهارك مش فايت..أنت عليك عفريت؟!





التاني:لا والله.. ممعاييش..أنت عايز الكبريت ليه.عايز تولع؟





الأول:أدلع!أدلع عليك أنت؟!أنت ماتملاش عنيا





التاني:يقبضوا عليا!!ليه؟!





الأول:أنت غريب ياراجل أنت..شكلك شحات,(يدفعه من القميص) روح أشتغل شغله تاكل منها عيش




التاني:خيش!!والله ده صوف أنجليزي




الأول:بنتك زيزي!!!ربنا يخلي...




التاني:أنتاج محلي!!!! ده مستورد




يمر شاويش من بتوعنا....يلفت إنتباهه الحوار:بتعمل أيه ياجدع منك له؟!!




الأتنين:أيوه يا شاويش...إحنا مستنيين الأتوبيس




الشاويش:نهاركم مش فايت....جواسيس!!!قدامي علي القسم

لاتبخلوا علي بالردود.......

ويا سلام لما يروحوا للظابط ويقوله الشاويش دول جواسيس




ويرد الظابط ويقول بتقول ايه بيشتموا البوليص


هههههههههههههههههه
صباحو فل


هههههههههههههههههههه
بجد زى العشل
انا مش عارف ازاى يا دموع القمر صمت مش بتعلق
خدى الخرزانه دى ................................
واضربيها براحه عشان دى اول مره


بجد مواضيعك كلها تموت من الضحك النهارده
تقبلى تحياتى

هههههههه

عندك حق ياهيما اذا كان لهم نهار من اساس الموضوع



شكرا على الرد بصفتك اول من يرد على مواضيعي .....