مناجاه القلب لمحبوبه و اشتياقه له

قالوا الصبر طيب قلت حبيبى قريب
قالوا الدنيا جنه قلت ترابه حنه
قالوا عيونه ساحره قلت ماشاء الله دنيا
قالوا وياما قالوا وقلنا وفكك وسيبونا فى حالنا
هوه البدر طالع وقلبى من حبه والع وزيه ما شفت طالع
قالوا روح للعراف واعرف ديما احواله
قلت ما بلاها عراف هوه قاعد قدامى وصورته ديماً بمنامى
قالوا لو كنت صادق اوصف اوام حبيبك
جرى الكلام على لسانى وجيت اقوله ماراديشى ماراديشى
لكن جاوب قلبى جاوبهم من غير حتى السؤال
رد قوام طلبهم وقال كفايه بقى وفكك من قلنا وقال
هوه فى القلب هوه ومش عارف اراضيه
لو يبقى جنب قلبى انسى الدنيا واراعيه
هوه اللى رموشه جابتنى عند عيونه وسحرتنى
طيب ازاى اقوله واللا بحالى ابوحله دا هو اللى بحبه اسرنى
محتار والحب عذاب دا حبيبى ومش عارف اكتبله جواب
اهدى يا قلبى صبرك هكتبله تانى جواب
وبمرسال الشوق هوصفله من غير كلمه عتاب
شفت القمر فى الفجريه قاعد معايه انا وهي
قالى القمر لساك سهران
رديت وقلت حبيبى ما شفته بقالى زمان
اده يوم والتانى وليالى البعد صعبه
يرضيك يبقى نايم ما يسهر وانا قاعد فى الليل بفكر
ضحك القمر ضحكه عجيبه ونادهلى ساعتها بكلمه غريبه
قالى القمر ما بلاها اوهام هوه بردوا ما بينام
ضحك القمر وقالى اوصله
ولو بجناح مكسور رفرف طيرله
والفرحه والله ما سيعانى ماتت دموعى واحزانى
وأوام هطير على بلده اوام واشوفه وتسعدنى الايام
ورجعت تانى انادى القمر بجناح مكسور وعاوز اتاكد من الخبر
حبيبى عارف احوالى عارف باللى فى بعده جرالى
قالى يا طير مجروح ماتروح هتلاقى عنده دوى لجروح
جرحك اوام هيداويهولك و جراح الدنيا ينسهولك
انته ليه ديماً خايف هوه الطبيب وانا ليه ولك ديماً شايف
خايف ليوم يكدبنى وفى شوقى ومشاعرى ما يصدقنى
انا بعده مش هنادى الحب ولو ندانى هكون له كرب
هوه اللى مفيش قبله حبيب ولا بعده هيكون ليا نصيب
بدون جناح راح اطيرله وبشوقى اكيد هوصله
وهقوله بحبك وبحبك من غير جناح طيرت وجيتلك




حبيبك للابد
اهدى كلماتى هذه الى من هى
اغلى واعز ما املك فى دنيتى
يا رب اجعلها لى الزوجه الصالحه
اعلم انها غالباً لن تقرأ كلماتى هذه
فهى ليست فى المنتدى بل ربما لا تكون غير صوره فى مخيلتى
هذا شعورى نحوها وهذا مجرد خيال اردت ان تشاركونى اياه
المخلص لكى دائماً
.............................
تقبلوا تحياتى

تسلم على مواضيعك الرائعة في المنتدى

جميلة جدا مشكور على المجهود

مشكووووووووووووووورة اختي دموعي على الشعر الجاااااامد

الشكر يرجع ليك بس الشعر للاستاذ هيما

اشكره هوه

ربنا يبارك فيكم

تقبل مروري

معليش والله مختش بالي على العموم كلكم مشكووووووووووووورين

اشكركم جميعاً كلاً على حده
على مروركم الطيب
وتقبلوا خالص تحياتى وتقديرى

والشكر ليكم جميعا مع بعض مش على حدا

ههههههههههههههههههههههههه