بسم الله الرحمن الرحيم
السلام عليكم ورحمة الله وبركاته
هذه قصيدة من تأليف الوالد تدعى بـ (مشكلتنا) إليكم:
مشكلتنا
فينا إحنا
أيوه إحنا
ساكنه فينا
وف جروحنا
وف آمالنا
وف طموحنا
ومهما قولنا
ولا بوحنا
ولاجينا
ولارحنا
وان ضحكنا
ولا نوحنا
هي ساكنه
ف قلب روحنا
*****************
مشكلتنا مشكلة كوسة وروتين
ناس بيجري في دمهم ذل البشر
ا نشا الله حتى ياكلو طين
واللي مامعاهش في بلدنا
أي واسطه يعيش حزين
أما لو تشلن وتبرز أو تراشي
أو هدية مغلفة بالمحلسة والكدبتين
أو معاك واسطه تمرمغ أهلهم
بَجًح وبرضه افخت لهم مية ألف عين
**************
مشكلتنا ساكنه جوه في النفوس
متستره ومتنكره زي الجاسوس
ولافيش في مره بنتعظ
لامن العبر ولا م الدروس
و الحقد داء في المجتمع
ويا ا لحسد ماتقولشي سوس
معيار نفورنا وقربنا
وجينات بتجري في دمنا
هي دايما عندنا بس الفلوس
***********
مشكلتنا راقده جوه في القلوب
وف عيوب الناس أساتذه
وأحنا خاليين م العيوب ! !
عذرنا جاهز معلب بالفراعنه
واحنا أحفادهم يادوب
ماعندناش أبدا مشاكل
ناس عباقره في الهروب
في التاريخ قالوا السيادة والريادة
وكل دا بنج بيخدرنا ويدوب
إحنا مين وبقينا فين
شمسنا من حزنها صابها الغروب
لو عاوز لك ألف حل لأي مشكل
عنك انت في حلها ممكن ننوب
إنت عارف من تاريخنا عملنا إيه؟
الفراعنة دول عيالنا في الجنوب!!
***********
مشكلتنا ليها كم من الحلول
حلها لينا الصحابه و السلف
وقبلهم كان الرسول
واحنا لونتبع أثرهم
في تمسكنا بدينا
والمبادئ والأصول
واختيارهم السليم قوي للقيادة
والمحاسبة في الخطأ لو مين يطول
والأمر بالمعروف شعارنا
وانهي عن منكر وقول
كل عيب فينا نعالجه
مشكلتنا قوام تزول
تقبلوا تحيات :
![Like a Star @ heaven](https://2img.net/i/fa/i/smiles/star3.png)
عبدالرحمن الصديق العرمان