اوراق من حياتى

شكراً لكل الاعضاء
على مساهمتهم الفعاله فى هذا القسم تقبلوا تحياتى

أخي /هيما

الصراحة بكلمك جد انا في البداية لما شفت الموضوع اتعقدت من طوله لكن قلت اكيد مثير وبدات اقرا والله ما قدرت اسيبه الا لما خلصته.....

المهم

الصراحة انت قصة حياتك بتفكرني بالافلام لانك فعلا ما شاء الله عليك عندك طموح عالي....

بس عندي سؤال ولو فيه احراج او تدخل في الامور الشخصية ما تجاوبش وانا هفهم

مفكرتش يوم تبقا زي اخوك احمد او السيد وتروح تشتغل بره وتقول بلا وجع دماغ؟؟؟


تحياتي لك

فى البدايه لك منى تحياتى واحترامى

بص يا عبدو ساعات الانسان فينا ما يقدرش يختار طريق حياته او بمعنى اخر بيكون مرغوم على السير فيه

اخواتى كان طريق السفر هو الانسب ليهم من اجل اشياء كثيره جداً وثانياً اختاروا من البدايه طريق المشقه والغربه
ولكنهم جميعاً دون تخصيص اى أحد قالوا لى بنفس اللفظ
عاوزين نشوف نفسنا فيك وعشان كده كان كل املى انى ما أخذلهمش ابداً والحمد لله ربنا كرمنى

لما قبلت فى كليه الحقوق وخلاص فى اول السنه هروح الكليه والدى قالى لازم تروح وانا قلت انا بدى اروح المعهد عشان ادخل منه الهندسه اللى ما عرفت قيمتها إلا لما ضاعت من ايدى
فقالى لازم تدخل اى كليه فقلت له موافق بس بشرط انى اسافر مع اخواتى بعد ما اخلص فقالى موافق
على طول قلتله وانا عمرى ما ها ذاكر اربع سنين عشان اخد شهاده اعلقها فى البيت وانا مش مقتنع انه هيوافق وساعتها اقتنع عشان اصرارى بس هوه كان خايف عليه
وفى طريقه عملتها عشان والدى ما يغيرش رأيه بعد ما اقنعته بمعجزه
بس مش ها اقدر احكيها فى المنتدى

اكيد طولت عليك ههههههههه
لكن اللى عاوز اوصله لك انك مش هتعرف قيمه العلم إلا لو ضاع من ايدك وشفته قى ايد غيرك
وعشان كده لازم تسمع كلام اكتر ناس بيحبوك وهم اهلك . والديك . او اخوتك
بجد لو تعرف طعم التفوق الحقيقى عمرك ما هتكون غير من التفوقين وربنا يكرمك وتحقق املك
يا دكتووووووووووووووووووووووور
عبدالرحمن
خللى بالك من نفسك ومن مذاكرتك وما تسمعش كلام اى صاحب ليك بيقولك غير كده
معذره على اطالتى
اخوك هيما

ما شاء الله عليك

طيب تقدر تقولي اللي كانت معجبة فيك سابتك ليه؟؟؟؟


لو فيه احراج زي ماقلتلك

تقبل خالص تحياتي

هههههههههههههههههههههههه

ماشى يا عبدو السؤال ده على الميل ممكن اجاوبه لكن بإختصار

انا كنت خلاص شبه ارتبطت رسمى وبعد ما اهلى خلاص الحمد لله وافقم على خطوبتى وانا فى الدراسه
كان حكم علينا النصيب منكنش لبعض وكان الخيار الوحيد ان احنا نسيب بعض
بصرف النظر مين الغلطان ومين اللى مش غلطان
النتيجه واحده
انى خلاص مش هفكر فى خطوبه خالص تانى دالوقتى
ربنا يكرمنى وأحصل على الماجستير ان شاء الله وبعد كده هجوز على طول بدون تردد
هههههههههههههههههههههههههههههه

كفايه حب خلاص .... مستقبلى اهم حاجه عندى دالوقتى

وعلى ما ربنا يكرمنى وألاقى البنت اللى راسم صورتها فى خيالى واللى بقول يارب تكون عوض عن اى حد فى حياتى فقدته
وربنا يقدرنى واسعدها
انته لسه صغير يا عبدو ومش عاوز اتكلم فى الموضوع ده كتير عشان خايف عليك من السكه دى
ما تركزش معايه قوى ....... مش كل حاجه بنعملها بتكون صح ولا كل قرار بناخده بيكون الافضل لينا

ايه ده انت بتعرف ترسم الله عليك يا فنان .... ههههههههههه



تقبل مروري وخالص تحياتي

على أدنا يا عم عبدو

هههههههههههههههه

ايه يا عم بودى نفسنا حضرتك تعد يوم على كرسى الاعتراف
واللا ايه انت بتحب الهروب ديماً

يا ريت تحكى على الكرسى اى حاجه تيجى فى بالك وده عشان
نعرفك اكتر ونتقرب من شخصيتك اكتر
لابد يكون فيه استجابه ومش هسمح بالاعتذار
انا قعدت اول واحد وبرشحك تكون الثانى
ولما تقعد يا عم ابقى رشح التالت وهكذا تكون السلسله
مستنى منك فضفضتك بين اخوانك
تقبل تحياتى اخوك هيما

اوكي

مستنى اعترافاتك فى اقرب فرصه ان شاء الله

ولا يهمك يا كبير

هوه مين ده الي يعد بودي‏ ‏هههههههههههههههههههههههههه

ما بلاش

لا بودى هوه اللى عليه الدور
وبعد كده هوه هيختار اللى بعده
واذا اللى بعده ما اتكلمش من نفسه عن نفسه
هنضطر نسأله احنا اسأله وهوه هيجاوب عليها
يبقى الاحسن انه يعترف
ههههههههههههههههههههههه
ماشى يا اخت صمت

ماقلنا بلاش بودي

سؤال بس
هوا ناوي يعملها اصلا ؟

هههههههه

تقبلوا خالص شكري جميعا

اعمل ايه يا حاجه انتي

مينفعش هنا لا زم في الحمام

هههههههههههههههههه

هاهاهاهاها خفه تصدق

اصدقها يعني انك تعترف ها ياعم الكبير

وبعدين انا عارفه انك مستحيل تعترف
فليه اللف والدوران
ههههههههههه

لا مش تعمل كده ؟

تعمل العمله

لا هيقعد بس ايمته


الله واعلم

اليوم هيحلو لما يقعد
ههههههههههههههه

يا جماعه اكرمكم الله جميعاً
اذا نظرتم فى اعلى الموضوع تجدونى قد الغيت موضوعى او حذفت كلامى
وهذا لعدم جديه الاعضاء فى هذا القسم
ولهذا فأنا اعلن انسحابى من هذا القسم
ولكنى اعتذر لكم عما بدر منى من هذا التصرف



وتقبلوا جميعاً منى خالص الشكر والتقدير

لا ياهيما

ارجع انت اللي محلي الجو

ربنا يبارك لنا فيك


طيب ليه انسحبت

انا عاوزة بس سبب واحد ؟

عبدو لما عمل القسم ده وسماه على كرسى الاعتراف
بصراحه عجبتنى الفكره
ولما بدأت اكتب ما شعرت بنفسى إلا وقد كتبت حياتى بملخص شديد
ولهذا سميت الموضوع " اوراق من حياتى "
وكنت اظن أن هناك من يشجع الفكره
وانا مش عاوز اعرف اسرار حد لكن الفكره هى اننا نعرف بعض اكتر
طبعا اذا كان عبدو يعرفنى فكل الاعضاء ما يعرفونيش ووسيله التعارف بينا اعتقدت نها تكون القسم ده فى المنتدى
لكن يبدو انى أخطأت انى عاوز نكون جميعاً كشخص واحد
انا كنت عاوز كلام عام مش شرط اسرار تحرج او تكون مش عاوز تقولها
واكيد الكل هيفهم كلامى


وبعد فتره مش عاوز اقول ندمت انى كتبت اى شيئ فى القسم ده



ولذلك فدون تراجع لن اشترك فى هذا القسم ثانيه
وبمعنى اخر يمكن القول بأنه ليس على اى عضو ان يجلس على كرسى الاعتراف


تقبلوا تحياتى جميعاً
وشكرا اختى دموع على اهتمامك بالمنتدى
وتقبلى تحياتى




لكن

شو لكن كمل؟

كلامك حلو والله

ماشاء الله عليك

عشان كل اعضاء المنتدى ادخل القسم تاني انت اللي بدأته ولازم تكمل المشوار مش لازم تستسلم بالسهوله دي

ينفع كده يابودي

احبطت الراجل


هههههههههههه


ربنا يخلي كم لبعض

اصحاب وحبايب دايما

ولا حاجه تفرقكم ابدا طول العمر


لو غلطت في حق حد ارجو منه انه يسامحني


تقبلوا خالص اسفي وتحياتي للاعضاء والمشرفين وكل من في المنتدى

والله لم يكن انسحابى من اجل ان يكون هناك ارغام لأحد على المشاركه
والله لم اقصد


وانا كما ذكرت لكم لن اشارك فى هذا القسم فقط وهذا لأسباب خاصه



اعذرونى جميعاً
وتقبلوا تحياتى
وانتى يا دموع القمر لم تخطأى فى حق احد مطلقاً
فلما الاسف


لا داعى للأسف ثانيه
تقبلى تحياتى

والله العظيم قاعده اضحك وانا بقرأ ردك

ربما تندهشى ان علمتى انى لا اعرف سبب ضحكى
هههههههههه

انا فرحانه اوي مش عارفه ليه ؟

ههههههههههه
ربنا يسعد اوقاتك ديما

امين واياك

هيما معليش والله حقك علينا كلنا

لكن والله انا لسه بلخص حياتي الأول على ورقة عشان أعرف أكتبها

استنوا عليه كمان سنه هههههههههه

لالا كمان يومين بإذن الله تلاقوا موضوعي واعترافي


تقبلوا خالص تحياتي || BODY

فرحت قلوبنا

بس بسرعه
هيما عامل اضراب شكله

معدناش بنشوفه

هزاره زي العسل

والله وحشني اوي