بسم الله الرحمن الرحيم
السلام عليكم ورحمة الله وبركاته
ما هو الموبايل ......!!!!؟؟؟؟؟
هو شئ لا يمكن لاى احد ان يستغنى عنة فى يومنا هذا لانه ببساطة هو اصبح حياتنا لكن المهم والاهم انة احنا مش عارفين ايه هو الموبايل اعرف ان كله يعرف انه بيستخدم فى الاتصال بالاخرين ودى حاجة معروفة للكل بس المهم فى الموضوع ان الكل ما يعرفش او البعض ما يعرفش ايه الموبايل وايه ومكوناته وايه اهم استخدامة غير الاتصال اعرف ان ممكن حد يقولى انه استخدامة الاساسى هو الاتصال طبعا هارد واقول اكيد الاتصال اهم فايده فيه بس الموبايل كلمه تشمل اشياء كثيرة جدا جدا ليس اتصال فقط لكنه اتصال واستقبال هههههههه لا ده مش قصدى المهم انه ليه استخدامات كتير غير الاتصال ودلوقتى هانقول ايه هيا مكونات الجهاز وايه الى بحتوية من امكانيا حسب نوعية الجهاز الى مستخدم فى حياتنا :
اولا ايه هيا محتوى اى جهاز :
اى جهاز موبايل بيتكون من ثلاث اشياء اساسية وهيا الى بيشتغل بيها الجهاز وهيا حسب الاهمية :
1 : البورده: وهيا عباره عن شريحه كبيره لونها اخضر بها مجموعه من الايسيهات والموقاومات والرامات وطبعا هانتكلم عن البورده بالتفصيل فى موضع تانى ان شاء الله .
2 : الشاشة ك واكيد معروفة انها بتعرض لينا البيانات .
3 : البطارية اكيد معروفة اكيد .
دى الاشياء الى بتكون منها الجهاز او اهم الاشياء ياتى بعد ذلك الشاسية الى بتتحمل علية البورده وده برضة مهم وكمان اخر حاجه الوش بتاع الجهاز .
ثانيا امكانيات الجهاز :
ندخل بقى على امكانيات الجهاز وده بقى بيتوقف على نوعيه الاجهزه الى احنا بنستخدمها فى حياتنا طبعا هانتكلم عن امكانيات جهاز نوكيا ودة الى الكل بيستخدمة فهو اهم جهاز فى الانواع الى موجوده فى السوق هانتكلم عن اهم الاجهزه فى نوكيا وهانبداها بالارخص وبعدين الاغلى اوك :
1- جهاز نوكيا 1200:
وده ارخص جهاز نوكيا موجود بالسوق حاليا وسعره يتراوح ما بين 160 و 165 جنية مصرى اما امكانيات الجهاز فهو جهاز سهل الاستخدام لاى شخص يريد ان يجرى اتصالات سريعه حيث انه ياتى ببطارية قادره على الاستمرار فى حالة الشحن لمده تزيد عن 4 ايام متواصلة كما ياتى الجهاز مزود بكشاف للاضائة فى الاماكن المظلمة وصورة الجهاز أول صورة تحت.
- جهاز نوكيا 1680:
وده جهاز امكانياتة كويسة مع سعر معقول حيث يتراوح سعره من 300 الى 350 جنية مصرى اما الامكانيات فهو جهاز لا يحتوى على كارت مومرى لكنه يحتوى على بلوتوث كما انه ياتى بكاميرا مدمجه مع امكانية تصوير فديو كما ان نغماتة mp3 بصوت نقى جدا كما انه شكله جزاب جدا وصورة الجهاز تاني صورة تحت.
3- جهاز نوكيا 3110c:
وده جهاز من الانواع التى نزلت السوق وحققت نسبة مبيعات كبيرة لما يتمتع الجهاز من الامكانيات حيث انه يحتوى على كارت مومرى خارجى وكمان امكانيه تصوير وعرض الفديو وكمان بلوتوث مع امكانية تشغيل الmp3 على برنامج مثبت فى الجهاز مسبقا وياتى الجهاز بسماعه لتشغيل الراديو اه نسيت اقلكم ان سعر الجهاز يتراوح من 550 الى 600 جنية مصرى وصورة الجهاز تالت صورة تحت.
- جهاز نوكيا 6120:
وده جهاز من الجيل الثالث ويتراوح سعره من 1000 الى 1100 من غير ضمان ويتمتع الجهاز ب 2 كاميرا امامية وخلفية وكمان يوجد بة gps والتى سوف نتحدث عن الخاصية دى فى مواضيع اخرى وكمان يمكن وضع برامج على هذا الجهاز واكثر ما يميز هذا الجهاز انه يشبة الجهاز n73 فى البرنامج بتاعة شبية له بدرجة كبيره .
تقبلوا تحيات صديقكم: عبدالرحمن الصديق العرمان
- المرفقات
- nokia-1200.jpg
- لا تتوفر على صلاحيات كافية لتحميل هذه المرفقات.
- (77 Ko) عدد مرات التنزيل 3
- nokia-1680-classic-1.jpg
- لا تتوفر على صلاحيات كافية لتحميل هذه المرفقات.
- (21 Ko) عدد مرات التنزيل 1
- nokia-3110-evolve.jpg
- لا تتوفر على صلاحيات كافية لتحميل هذه المرفقات.
- (28 Ko) عدد مرات التنزيل 1