قصيدة ماتفوق وتعقل ياوله.

بسم الله الرحمن الرحيم
هذه قصيدة من تأليف الوالد عن الأولاد الصايعين:

أبو لبانة وسلسلة...

ما تفوق وتعقل ياوله
يا ابو لبانه وسلسلة
هو احنا مين جابنا لورا
غير هيا لبانتك يا وله

يا بو لبانه وسلسلة

بطّل مياعة ومرقعة
ماتكونشي راجل إمعة
لا يلبسوك البردعة
بخطوط عريضة مهلهله

يابو لبانه وسلسله

مبسوط بوقفة شلتك
متمرقعين في حتتك
بقى ديه وقفة بزمتك
بطّل يا سوسو هرجلة

يابولبانه وسلسله

طول النهار نق وكـــــــــــلام
مين اللي صاحي ومين اللي نام
مين اللي حب ومين اللي هام
بطّـــــــل نميـــــمة وبلــــبله

يابولبانه وسلسلة

عاملي فيها روميو وقيس
أخلاق بذيئه وكلام خسيس
أختك ناسيها ولا انت تيس
بالله دي تبقى مرجـــــــله

يابولبانه وسلسله

فرحه كبيرة وملت البيت
لما كبرت وقالوا مشيت
جاي الوقتي تقول حبيت
يا دهيــة سودة مقـندلة

يابولبانه وسلسله

فاكر والله ياروحي زمان
كنت بتقرف من الدخان
جاي تتكلم ع الإدمـــان
آدي نـــــــهاية المهزلة

يابولبانه وسلسلة

مستني ايه لجل تفوق
وعدونا عاملك خازوق
يطبخوا وانت تدوق
من سمهم لا وبالغلا

يابولبانه وسلسلة

كل الكلام ده انا قلته ليك
علشان بحبك وكمان شاريك
ما انت الأمل وأملنا فيك
يابني زهقنا بهــــــــــدلة

آسف على لفظ (خازوق) ولكن القافية كده

تقبلوا تحيات صديقكم:عبدالرحمن الصديق العرمان

بصراحه جميله قوى
بس هل ابو لبانه وسلسله
ممكن انه يغير من مستقبل بلده
مهما طال به الدهر
اقصد ان ابو لبانه وسلسله
هيفضل بلبانه وسلسله
يعنى يعيش ميت
زرع بلا ثمار
شجر بلا ورق
بالعربى الحرق افضل منفعه لة

بسم الله الرحمن الرحيم

السلام عليكم ورحمة الله وبركاته

أشكرك أولا يا مهندس ابراهيم على مرورك وفعلا أحسن له الحرق .

تقبل تحياتي : عبدالرحمن الصديق العرمان

انا اشكر اخوي عبدالرحمن واشكر ابوه على القصايد

مشكوووووووووووووووووووووووووووور
كثير

وصللوالدك اكبر سلام وتحيه

على كلامته الورديه

اللي هيا ميه ميه

وتقبل مروري

» قصيدة مصر...أملنا فيكي كبير
» قصيدة قبل الشرب لعبدالرحمن يوسف
» من الغريب .. قصيدة لزين الدين العابدين علي بن الحسين
» قصيدة الشاعر الإلبيري الأندلسي (تفت فؤادك الأيام فتا)